A Concellería de Saúde do Concello de Ourense convoca unha nova
edición do concurso "Apúntante unha idea", que premiará as mellores
propostas de lemas, accións, imaxes ou microrrelatos realizados por
mozos e mozas de Ourense que aborden a problemática das presións sociais
cara ao consumo do alcol e as maneiras de facerlles fronte.
Co
lema "As túas ideas para desmontar o alcol importan", esta iniciativa
ten como finalidade fomentar a reflexión e a crítica sobre as presións
para consumir alcol, ao tempo que promover a participación da mocidade
dándolle canles de expresión.
Poderán participar
estudiantes da ESO do Concello de Ourense, individualmente ou en grupo,
cun máximo de tres persoas, nunha ou varias das catro categorías
existentes: lema, de ata 5 palabras, accións para difundilo, imaxes ou
microrrelatos.
O certame está dotado cun primeiro premio
consistente nun smartphone libre, e un segundo que é unha tablet. Tamén
se sortearán entradas para cinema, teatro, concertos...
O
xurado será designado pola Concellería. As ideas entregaranse antes do
27 de marzo aos/as titores/as ou directamente á Concellería de Saúde,
rúa da Concordia, 20.
O Concello dá continuidade así a
esta concurso, que xa no curso pasado contou coa participación de 250
escolares de 9 centros educativos. Daquela o tema central fora a
desmitificación da imaxe social positiva do alcol, a corrección de
percepcións erróneas e a diminución da percepción social da normalidade
no consumo.
Mozos e mozas de Ourense presentaron un total de
2.017 traballos: o lema premiado foi "O alcol non mola: amola", de
Víctor Rodríguez, de 14 anos, do centro Padre Feijóo, o debuxo premiado
foi "Non te deixes atrapar", de Iria Brea, 13 anos, do IES Otero
Pedraio, e as accións premiadas foron as presentadas co lema "O alcol
ríese de ti (folga contra o alcol)", de Brais Outeiriño, 12 anos, da
Purísima.